Kvinnhersminne årbok XVIII
Kvinnhersminne – årbok XVIII
Det følgjer ansvar med dette å skriftfesta fortida. Det bør gjerast både rett og finsleg, slår ein fast i føreordet til den første utgåva av kvinnhersminne, som kom ut i 1982. Skriftstyre den gongen var: Ansgar Bjelland, Lars Bjelland, Ragnhild Vaage Heimvik og skriftstyrar Leiv Døssland. Dette har vore rettesnora til alle dei 17 utgåvene av boka som har kome ut annakvart år. Det var rett nok eit sprang på tre år mellom 1996 og 1999. På desse åra har ein samla opp mot to tusen sider med lokalhistorisk stoff frå kommunen vår. Ein har prøvd så godt som råd er å samla stoff frå dei ulike delene av kommunen. Underleg nok har det ikkje vore ein einaste artikkel frå Varaldsøy. Det er difor med glede vi har fått med eit par historiar derifrå i denne utgåva.
Tanken om ei årbok for kommunen vår blei først kasta fram på årsmøtet til Husnes Mållag våren 1981. Den første utgåva heitte Årbok for Kvinnherad. Alt neste utgåve i 1984 hadde fått navnet Kvinnhersminne. Ein fann ut at det kunne bli for ambisiøst å gi ut boka kvart år, og difor ville det vera villeiande å kalla boka for ei årbok. Før neste utgåve hadde ein stifta Kvinnherad sogelag, og no tok sogelaget over ansvaret for å gje ut boka i samarbeid med Husnes Mållag. Frå 2007-utgåva har sogelaget hatt eineansvaret for utgjevinga, og styret i sogelaget har vore skriftstyre.
Dei siste utgåvene av Kvinnhersminne har hatt eit tydeleg hovudtema. Dette var også målsetjinga til dei som starta arbeidet med boka de no har i hende. Av ulike grunnar vil lesaren sjå at vi har gjort det litt annleis i år.
Først kjem fem artiklar om kvinnheringar som har delteke i internasjonale operasjonar. Så litt om arbeid og samfunn. Deretter ein bolk om Islandsfiske, før vi tek for oss tradisjonar og skikkar, både til kvardags og fest. Til slutt har vi fått plass til nokre historiar med ulike emne.
Skriftstyret vil takka alle som har bidrege med både tekstar og bilde til denne utgåva. Utan viljuge og kompetente kvinnheringar, ville det ikkje vera mogleg å få detta til.
Skriftstyret.
Innhald
Føreord ved skrifstyret
Tysklandsbrigaden fortalt av Hans Klette
Tysklandsbrigaden fortalt av Sigbjørn Andreassen
Sanitetssoldat i kontingent 12 i Gaza fortalt av Åge Johansen
I kongens grøne kle av J.O.Mælen
Utanlandsteneste i Libanon av Bjarne Lilleaas
Ein pioner for bilrutedrift i Kvinnherad av Eirik I. Eldøy
Eit langt liv på telegrafen fortalt av Borghild Gjertsen
Folket på Eik skaffar seg telefon fortalt av Bjørgulv Eik
Dette er historien om ei makrellnot av Anny Nygaard Mehl
Fjelly – tanken og opptakten av Kristian Bringedal
Islandsfiske – Fylkesarkivet Sogn og Fjordane
Islandsfiske sin betydning for Kvinnherad av Frode Sæbø
Islandsfiske sett med barneauge av Gudveig Sæbø Ringheim
Per Svindland, Varaldsøy foralt til Frode Sæbø
Johannes Johnsen var Islandsfiske med M/S Hodnafjell i 1955 fortalt til Frode Sæbø
Herlaug Skjelnes, Islandsfiske med Solan frå Varaldsøy fortalt til Frode Sæbø
Bryllaup og giftarmål av Jorunn Toskedal
Eit bryllaup på Furuberg 11.juni 1816 av JorunnToskedal
Juleførebuing og julefeiring i eldre tid av Sverre Vevelstad
Juletradisjonen som vart borte av Eva Eide
Baking og bevaring av mat av Audun Eik
Kolerakyrkjegarden på Hamarhaug av Rita Martens Meyer
Skottabygdo av Gerd Karin Stølen
Jernaldergarden på Hatlestrand av Gerd Karin Stølen
